Улар орасида 11 бош Голштейн, 16 бош симментал ва 4 бош абердин-ангус зотига мансуб наслли ғунажинлар, шунингдек 18 бош Голштейн, 6 бош симментал, 4 бош абердин-ангус ва 1 бош лимузин зотли наслли буқалар бор.

Қорамолларнинг бир қисми агентлик ҳузуридаги Наслчилик илмий-ишлаб чиқариш марказига, 26 бош наслли бўғоз ғунажин Тошкент вилоятидаги «Фародис хирмони» фермер хўжалигига, 79 бош наслли ғунажин эса Навоий вилоятидаги «Янги аср» фермер хўжалигига етказилади.

Маълум қилинишича, қорамоллар ортилган ҳаво кемаси эртага соат 06:00 да Тошкент халқаро аэропортига қўнади. Мазкур ташаббус мамлакатда наслчилик салоҳиятини ошириш, маҳсулдорликни юксалтириш ва чорвачилик соҳасида юқори генетик салоҳиятга эга қорамоллар улушини кўпайтиришга хизмат қилади.