Ушбу босқич доирасида лойиҳада иштирок этиш истагини билдирган компанияларнинг аризалари кўриб чиқилди.
«Uzbekistan Airports» маълумотига кўра, тендерга маҳаллий ва хорижий компаниялардан жами 51 та ариза келиб тушган. Лойиҳага Европа, Осиё ва Яқин Шарқ давлатларида фаолият юритувчи йирик компаниялар ҳам қизиқиш билдирган.
Аризалар техник, ҳуқуқий ва молиявий мезонлар асосида баҳоланган. Идоралараро тендер комиссияси қарори билан 6 та халқаро компания тендернинг кейинги босқичи — таклифлар сўрови (RFP)да иштирок этиш учун саралаб олинди.
Лойиҳа доирасида Янги Бухоро халқаро аэропортини қуриш ҳамда уни хусусий шерик иштирокида бошқариш назарда тутилган. Ташаббус мамлакат транспорт инфратузилмасини ривожлантириш ва соҳага хусусий инвестицияларни жалб қилиш мақсадида амалга оширилмоқда.
Лойиҳа «Uzbekistan Airports» АЖ томонидан Транспорт вазирлиги ҳамда Иқтисодиёт ва молия вазирлиги билан ҳамкорликда олиб борилмоқда.
