Willer Express — Япония туризм ва йўловчи ташиш бозорида етакчи операторлардан бири бўлиб, мамлакатнинг шимолидан жанубигача кенг ҳудудни қамраб олган.
Япониянинг халқаро кадрлар тайёрлаш ва ишга жойлаштириш соҳасидаги йирик компаниялардан бири — Onodera User Run ушбу операторни Ўзбекистон бозорига олиб кирмоқда.
Уч томонлама келишув Вазирлар Маҳкамаси ҳузуридаги Миграция агентлиги раҳбари Беҳзод Мусоев, Hirayama Koji ва Kato Jun ўртасида имзоланган.
Келишувга кўра, Ўзбекистонда Willer Express учун автобус ҳайдовчиларини тайёрлаш тизими йўлга қўйилади. Тайёрланган мутахассислар Японияда юқори даромадли иш ўринлари билан таъминланади.
Тошкент шаҳрида замонавий ўқув полигони барпо этилади. Амалиёт жараёнлари учун Япониядан ўнг рульли автобуслар олиб келиниши режалаштирилган.
Ушбу лойиҳа орқали ўзбекистонлик ҳайдовчилар учун халқаро меҳнат бозорида янги имкониятлар очилиши кутилмоқда.
