Парвозлар ҳафтасига тўрт марта 189 нафар йўловчига мўлжалланган Boeing 737-800 русумидаги ҳаво кемаларида бажарилади.
Янги йўналишнинг очилиши Ўзбекистон ва Туркия ўртасидаги ҳаво қатновларини ривожлантиришда муҳим воқеа бўлади. Тарихда илк бор Тошкент ва Измир шаҳарлари ўртасида тўғридан-тўғри мунтазам авиаалоқа йўлга қўйилиб, бу икки мамлакат ўртасидаги туристик, бизнес ва маданий алоқаларни янада кенгайтиришга хизмат қилади.
Uzbekistan Airports АЖ учун ҳам ушбу йўналишнинг очилиши алоҳида аҳамиятга эга. SunExpress Ўзбекистон авиация бозорига илк бор кириб келмоқда ҳамда мамлакатга мунтазам рейсларни амалга оширувчи учинчи Туркия авиакомпаниясига айланади. Бундан ташқари, авиакомпания келгуси йил бошидан Фарғона водийсидаги аэропортларга ҳам мунтазам авиақатновларни йўлга қўйиш имкониятини кўриб чиқмоқда.
Ҳозирги кунда Ўзбекистон ва Туркия ўртасида мунтазам авиақатновлар Туркиш Аирлинес ҳамда АЖет авиакомпаниялари томонидан амалга оширилмоқда. Яна бир йирик Туркия авиаташувчисининг Ўзбекистон бозорига кириб келиши халқаро авиакомпанияларнинг мамлакат авиация бозорига бўлган қизиқиши ортиб бораётганини тасдиқлайди ва республиканинг халқаро йўналишлар тармоғини янада кенгайтиришга хизмат қилади.
SunExpress — Туркиянинг етакчи лоукостер авиакомпанияларидан бири бўлиб, 1989 йилда Turkish Airlines ва Lufthans aкомпаниялари ҳамкорлигида ташкил этилган. Авиакомпания Анталия ва Измир шаҳарларида базалашган бўлиб, Европа, Яқин Шарқ, Шимолий Африка ва Марказий Осиёнинг 37 та мамлакатидаги 250 дан ортиқ йўналиш бўйича мунтазам авиақатновларни амалга оширади.
