Жаҳон банкининг халқаро мезони бўйича Ўзбекистонда мутлақ камбағаллик даражаси 2021 йилдаги 4,4 фоиздан 2025 йилда 2,3 фоизгача камайган.
Ўзбекистонда 2021–2025 йилларда 3,7 миллион нафар аҳоли камбағалликдан чиқди.
Европа ва Марказий Осиё минтақасидаги даромади ўртачадан юқори бўлган мамалакатлар учун белгиланган камбағаллик чегараси бўйича камбағаллик умумий қисқаришининг қарийб 40 фоизи Ўзбекистон ҳиссасига тўғри келади.
2021 йилда аҳолининг 37 фоизи ўрта қатламга мансуб бўлган бўлса, 2025 йилда бу кўрсаткич 72 фоиздан ошди.
2019–2024-йилларда Ўзбекистон аҳолисининг 44 фоизи юқорироқ иқтисодий тоифага ўтди.
Энг кам таъминланган оилаларда бандлик ошди. Ушбу оилалардаги эркаклар орасида маошли ишда ишлаётганлар улуши 2022 йилдаги 18 фоиздан 2025 йилда 46 фоизга етди.
Эҳтиёжманд оилаларнинг йиллик реал иш ҳақи 11–12 фоизга ошди.
Ўзбекистонда камбағаллик энди асосан қишлоқ жойларга хос ходиса эмас: қишлоқ ва шаҳар жойлардаги камбағаллик даражаси ўртасидаги фарқ деярли тўлиқ йўқолиб, 5,9 фоиз пунктидан атиги 1,2 фоиз пунктигача қисқарди.
Ҳисоботда қишлоқ ҳудудларида камбағалликнинг тезроқ қисқариши натижасида қишлоқ ва шаҳар ўртасидаги камбағаллик даражасидаги тафовут деярли бартараф этилгани ҳам алоҳида таъкидланган.
Эндиги устувор вазифалар — аҳоли даромадларини ошириш, барқарор ва муносиб бандликни кенгайтириш, хотин-қизларнинг иқтисодий фаоллигини кучайтириш ҳамда эришилган натижаларни мустаҳкамлаш.
