АҚШнинг “стратосфера қалъаси” номи билан танилган Boeing B-52 стратегик бомбардимончи самолёти 15 июнь, душанба куни Лос-Анжелес шимолида ҳалокатга учради. Бу ҳақда АҚШ ҳарбий-ҳаво кучлари “Эдвардс” авиабазаси раҳбарияти матбуот баёнотида маълум қилди. Бортда саккиз киши бўлган. “Дастлабки ҳисоб-китобларга кўра, омон қолиш хавфи йўқ эди”, дейилади баёнотда.
Самолёт маҳаллий вақт билан соат 11:20 да парвоздан кўп ўтмай ҳалокатга учради. Фавқулодда хизматлар воқеа жойида ишламоқда ва фожиа сабабларини текшириш ишлари олиб борилмоқда, деб хабар берди dw.com.
B-52 совуқ уруш бошида ишлаб чиқилган
B-52 бомбардимончи самолёти 1950-йилларда, АҚШ ва СССР ўртасидаги Совуқ уруш авж олган пайтда ишлаб чиқилган. Самолёт атом бомбаларини ташлашга қодир.
CNN телеканалининг хабар беришича, B-52 билан боғлиқ сўнгги ҳалокатли воқеа 2008 йилда Тинч океанидаги Гуам ороли яқинида содир бўлган. Ўшанда олти нафар АҚШ армияси ходими ҳалок бўлган.
