Бош прокуратура ҳузуридаги Департаментнинг Тошкент вилояти бошқармаси томонидан ўтказилган терговга қадар текширувда фуқаро Т.Т. 12 нафар фуқаронинг ишончига кириб, уларни Корея давлатига ишга юборишини айтиб, 38 000 АҚШ долларини фирибгарлик йўли билан қўлга киритиб, ушбу пулларни муқаддам Миграция Агентлигида ишлаган А.А.га (муқаддам ЖКнинг 168 ва 211-моддалари билан судланган) берганлиги аниқланган.

Департаментнинг Марғилон шаҳри бўлими томонидан ўтказилган терговга қадар текширувда фуқаро И.Р. (муқаддам судланган) 2 нафар фуқарони Корея давлатига ишга юборишини ваъда қилиб, улардан жами 3 500 АҚШ долларини фирибгарлик йўли билан қўлга киритганлиги аниқланиб, ушбу пуллар ҳисобидан 3 млн сўмнинг қайтарилиши процессуал тартибда расмийлаштирилган.

Департаментнинг Деҳқонобод тумани бўлими томонидан ўтказилган терговга қадар текширувда фуқаролар И.Х. (муқаддам ЖКнинг 168-моддаси билан судланган) ва А.К. миграция агентлигида ишловчи танишлари орқали фуқаро Б.Т.ни Корея Республикасига ишга юборишларини айтиб, 2 000 АҚШ доллари ва 36 млн сўмни фирибгарлик йўли билан қўлга киритганликлари аниқланган.

Департаментнинг Хонобод шаҳри бўлими томонидан ўтказилган терговга қадар текширувда фуқаро А.А. (муқаддам ЖКнинг 168-моддаси билан судланган) 3 нафар фуқарони Корея давлатига ишга юбориши учун виза олиб беришини айтиб, 2 500 АҚШ доллари ва 11 млн сўмни фирибгарлик йўли билан қўлга киритганлиги аниқланиб, ушбу пуллар ҳисобидан 1 000 АҚШ долларининг қайтарилиши процессуал тартибда расмийлаштирилган.

Департаментнинг Дўстлик тумани бўлими томонидан ўтказилган терговга қадар текширувда фуқаро Ю.Л. (муқаддам судланган) 11 000 АҚШ доллари эвазига фуқаро У.Ф.ни миграция агентлигида ишловчи танишлари орқали Корея давлатига ишга юборишини ваъда қилиб, шундан 2 300 АҚШ долларини фирибгарлик билан қўлга киритганлиги аниқланган.

Департаментнинг Боғот тумани бўлими томонидан ўтказилган терговга қадар текширувда фуқаро Х.К. 3 500 АҚШ доллари эвазига фуқаро А.А.ни Корея давлатига ишга кетиши учун ўтказиладиган имтиҳонларидан ижобий натижалар билан ўтказиб беришини айтиб, келишилган пулдан 1 000 АҚШ долларини фирибгарлик йўли билан қўлга киритганлиги аниқланган.