Рейд давомида Миришкор тумани Бўстон МФЙ ҳудудидаги коллекторда фуқаро Ш.Б. резина қайиқ ва тақиқланган лескали тўрлар ёрдамида балиқ овлаганлиги аниқланди. Хусусан, ҳуқуқбузар томонидан Ўзбекистон Қизил китобига киритилган 5 дона Туркистон мўйловдори, шунингдек, 11 дона зоғора балиқ, 1 дона оддий лаққа ва 1 дона кумуштовон балиғи ноқонуний овланган.
Мазкур қонунбузарлик натижасида ҳайвонот дунёсига 62 миллион 480 минг сўм миқдорида зарар етказилган.
Ҳолат юзасидан ашёвий далил сифатида 1 дона резина қайиқ, 4 дона лескали тўр, 2 дона қўлбола эшкак ҳамда ноқонуний овланган балиқлар белгиланган тартибда олиб қўйилди. Тўпланган ҳужжатлар ҳолатга ҳуқуқий баҳо бериш ва тегишли чора кўриш мақсадида ҳуқуқни муҳофаза қилувчи органларга юборилмоқда.
Рейд тадбирлари давом эттирилмоқда.
