Reuters.com сайтининг маълум қилишича, Эрон АҚШ таклиф қилган музокараларнинг навбатдаги босқичида иштирок этмаслигини билдирган. Теҳрон бунга сабаб сифатида блокада, таҳдидлар ва Вашингтоннинг «ортиқча талаблари»ни келтирмоқда.
Аввалроқ Доналд Трамп Эрон шартларни қабул қилмаса, мамлакат инфратузилмасига зарба берилишини айтган. Эрон эса бундай ҳолатда АҚШ базалари жойлашган минтақадаги объектларга ҳужум қилишини огоҳлантирган.
Айни пайтда, можаро глобал энергия бозорига ҳам таъсир кўрсатмоқда: нефть нархлари кескин ошди, молия бозорларида эса пасайиш кузатилди.
Икки давлат ўртасидаги музокаралар Исломобод шаҳрида ўтказилиши режалаштирилган эди. Бироқ Эроннинг рад жавоби вазиятни янада мураккаблаштирмоқда.
Мутахассислар фикрича, можаронинг чуқурлашиши нафақат минтақада, балки бутун дунёда иқтисодий ва хавфсизликка оид хавфларни кучайтириши мумкин.
