Янги тартибга кўра, танловда иштирок этиб, 2–5-бакалавриат таълим йўналишларидан бирига давлат гранти ёки тўлов-контракт асосида талабаликка тавсия этилган абитуриентлар ўз хоҳишига кўра устуворлик тартибида биринчи бўлиб танлаган таълим йўналишида табақалаштирилган тўлов-контракт, яъни супер-контракт асосида ўқиши мумкин.
Мазкур тартиб мақсадли қабул асосида талабаликка тавсия этилган абитуриентларга нисбатан татбиқ этилмайди.
Бунда ўқишга қабул қилиш олий таълим ташкилоти ректори ёки директори томонидан белгиланадиган табақалаштирилган тўлов-контракт миқдорини тўлаш шарти билан амалга оширилади.
Янги тартиб барча давлат олий таълим ташкилотларига, шу жумладан, ташкилий ва молиявий мустақиллик берилган олий таълим ташкилотларига ҳам татбиқ этилади.
