Хусусан, таълим тизимига янгича ёндашувларни жорий этиш, бозор талабларига мос таълимни ривожлантириш, соғлом рақобат муҳитини шакллантириш ҳамда хусусий сектор иштирокини кенгайтириш вазифаси қўйилди.
Шу мақсадда Президент Администрацияси ҳузурида Инсон капиталини ривожлантириш ва узлуксиз таълим стратегияси бўйича умуммиллий концепцияни ишлаб чиқадиган махсус ишчи гуруҳ ташкил этилмоқда.
Мазкур гуруҳга тадбиркор Зафар Ҳошимов жамоатчилик асосида раҳбарлик қилади.
Ишчи гуруҳ таркибига таълим муассасаларини ташкил этиш ва самарали таълим тизимларини яратиш бўйича тажрибага эга тадбиркорлар, соҳа мутахассислари, олимлар ҳамда халқаро экспертлар жалб қилинади.
