Шунингдек, меҳнат қонунчилиги ижросини назорат қилиш мақсадида тузилган ишчи гуруҳлар томонидан пахта йиғим-терими жараёнларида мониторинг ишлари олиб борилмоқда.
Давлат меҳнат инспекцияси иш берувчилар ва фермер хўжаликларига пахта йиғим-терими даврида меҳнат қонунчилиги талабларига қатъий риоя қилиш зарурлигини эслатди. Жумладан:
- ҳеч кимни мажбуран меҳнатга жалб қилмаслик;
- болалар меҳнатидан фойдаланишга йўл қўймаслик;
- ишчиларнинг меҳнат ҳуқуқлари ва қонуний манфаатларини таъминлаш;
- меҳнат муносабатларини қонунчилик асосида расмийлаштириш;
- иш вақти, дам олиш ва меҳнатга ҳақ тўлаш талабларига риоя қилиш.
Ота-оналарга ҳам фарзандларининг таълим олиши учун зарур шароит яратиш ва ўқувчиларни пахта йиғим-терими ишларига жалб этмаслик сўралди.
Масъуллар пахта йиғим-терими даврида мажбурий меҳнатга йўл қўйилмаслигини таъкидлади.
Агар мавсум давомида меҳнат ҳуқуқларингиз бузилса ёки мажбурий меҳнат ҳолатига дуч келсангиз, Давлат меҳнат инспекциясига мурожаат қилишингиз мумкин.
Меҳнат ҳуқуқларингиз Давлат меҳнат инспекцияси ҳимоясида.
