Бу ҳақда «Ўзбекнефтгаз» АЖ хабар берди.
Қорақалпоғистон Республикасининг Мўйноқ туманидаги мазкур майдонда 1-сонли излов қудуғи 4860 метр чуқурликкача бурғиланди.
3 октябрь куни қудуқнинг қуйи юра қатламларида, 3273–3213 метр чуқурлик оралиғида саноат аҳамиятига эга табиий газ ва конденсат оқими олинди.
Режага кўра, йил якунига қадар 2-сонли излов қудуғини бурғилашни якунлаш, шунингдек, 3 ва 4-сонли излов-қидирув қудуқларида ишларни бошлаш режалаштирилган.
Қайд этилишича, мазкур натижа Устюрт ҳудудида чуқур қатламларни ўрганиш бўйича янги истиқболли йўналишларни белгилаш имконини беради.
