Навбатдаги турда шахматчиларимиз Германия терма жамоасига 1,5:2,5 ҳисобида имкониятни бой берди.
Учрашувда Нодирбек Абдусатторов дуранг ўйнаган бўлса, Жавоҳир Синдоров ғалаба қозонди. Бироқ Нодирбек Ёқуббоев ва Шамсиддин Воҳидов ўз партияларида мағлуб бўлди.
Германия терма жамоаси таркибида Фредерик Свейн ва Расмус Свейн юқори даражадаги ўйин намойиш этиб, жамоасига муҳим ғалабани тақдим этди. Германияликлар бугунги баҳсга қадар АҚШ терма жамоасини ҳам мағлуб этган эди.
Ўзбекистон терма жамоаси эса мусобақанинг дастлабки 7 турида 28 та партиянинг бирортасида ҳам мағлуб бўлмаган эди.
Ҳозирча Ўзбекистон терма жамоаси қўшимча кўрсаткичлар эвазига турнир жадвалида 1-ўринни сақлаб турибди.
Олимпиада якунига қадар яна 3 та тур қолди. Шахматчиларимизни АҚШ, Нидерландия ва Арманистон терма жамоаларига қарши муҳим баҳслар кутмоқда.
