Рейтингда биринчи ўринни «Anglesey Food» МЧЖ ХК эгаллади. Компания чеклари 6,87 миллион марта рўйхатдан ўтказилган бўлиб, улар бўйича фуқароларга 9,4 миллиард сўм кешбэк ҳисобланган.
Иккинчи ўриндан «Xalq Retail» МЧЖ жой олган. Унинг чеклари 2,63 миллион марта рўйхатдан ўтказилган ва 1,2 миллиард сўмлик кешбэк тўланган.
Учинчи ўринда эса «Havas Food» МЧЖ ҚК қайд этилди. Май ойида ушбу тармоқ чеклари 2,44 миллион марта рўйхатдан ўтказилиб, 1,24 миллиард сўм кешбэк ҳисобланган.
Шунингдек, кучли бешликдан қуйидаги компаниялар ўрин олди:
- «Madina Qandolat» МЧЖ — 748,3 мингта чек, 820 миллион сўм кешбэк;
- «Darvoza Savdo» МЧЖ — 506,2 мингта чек, 336,5 миллион сўм кешбэк.
Инфографикага кўра, ТОП-20 рўйхатидан шунингдек «International Foodchain» (KFC), «Mak Food Servis» (EVOS), «Ung Petro», «Namangan Istiqlol Bog‘i», «Cheese Day», «Best Quality Products», «Grand Pharm Trade», «Oqtepa Food Service», «Seg Tasco», «Osiyo Trade Biznes», «LC Waikiki Retail Tashkent», «ASR and Co», «Balton Trading (Asia)», «Yuniko Plyus» ҳамда «Autodriver Study» компаниялари ҳам жой олган.
Солиқ қўмитаси маълум қилишича, рейтингда маркетплейслар орқали сотилган товарларга тақдим этилган чеклар ҳисобга олинмаган.
