Унда Ўзбекистон Республикаси мудофаа вазири, генерал-лейтенант Шухрат Халмуҳамедов иштирок этди.
Йиғилиш аввалида делегациялар «Абадий олов» ёдгорлигига гулчамбар қўйиб, Иккинчи жаҳон урушида ҳалок бўлганлар хотирасига ҳурмат бажо келтирди.
Тадбир доирасида Қирғиз Республикаси Президенти Садир Жапаров мудофаа вазирлари билан учрашув ўтказди. Унда ШҲТ доирасида ҳарбий ҳамкорликни янада ривожлантириш, қўшма машғулотлар ўтказиш амалиётини кенгайтириш ҳамда минтақавий хавфсизликни таъминлаш бўйича мувофиқлаштирилган ёндашувларни кучайтириш зарурлиги таъкидланди.
Ташриф доирасида икки томонлама музокаралар ҳам бўлиб ўтди. Унда Шухрат Халмуҳамедов ва Қирғиз Республикаси мудофаа вазири, генерал-майор Руслан Мукамбетов иштирок этди.
Музокараларда ҳарбий-техник ҳамкорликни кенгайтириш, қўшма тайёргарлик тизимини такомиллаштириш, офицерлар ва мутахассислар ўртасида тажриба алмашишни кучайтириш, минтақавий хавфсизликни таъминлашга қаратилган қўшма ташаббусларни амалга ошириш масалалари муҳокама қилинди.
Учрашувлар самимий ва конструктив руҳда ўтиб, томонлар ўртасидаги стратегик шериклик ва ўзаро ишончни янада мустаҳкамлашга хизмат қилди. Қайд этилишича, бу каби мулоқотлар ШҲТ доирасидаги ҳамкорликни янги босқичга олиб чиқиш ҳамда минтақада тинчлик ва барқарорликни таъминлашга хизмат қилади.
