Юртимизда учинчи бор ўтказилаётган мазкур халқаро олимпиадада Озарбайжон, Коста-Рика, Грузия, Исроил, Иордания, Қозоғистон, Қирғизистон, Малайзия, Мўғулистон, Қатар, Россия, Саудия Арабистони, Тожикистон, Таиланд, Туркия, Туркманистон давлатларидан келган ҳамда Ўзбекистон вакилларидан иборат энг иқтидорли ўқувчи-ёшлар кимё фанидан ўзаро беллашадилар.
Жараёнлар жорий йилнинг 5–6 ноябрь кунлари ўтказилади ва олимпиада топшириқлари халқаро олимпиада стандартлари асосида баҳоланади.
Мазкур нуфузли илмий мусобақага хорижий давлатлардан юқори малакали халқаро экспертлар, етук олимлар ҳамда профессорлар жалб этилган.
Олимпиада сўнггида ғолиблар ташкилотчилар томонидан олтин, кумуш, бронза медаллари билан тақдирланади.
