Бунинг учун уларга бориш-келиш ва бошқа харажатларни қоплаш мақсадида ссуда ажратиш тартиби жорий этилади.
Вазирлар Маҳкамасининг 2026 йил 31 октябрдаги 604-сон қарори билан тегишли тартиб тасдиқланди.
Қарорга мувофиқ, техникум ўқувчилари Европа Иттифоқи давлатлари, Жанубий Корея, Япония, Буюк Британия, АҚШ, Канада, Австралия ва Янги Зеландияда ишлаш ҳамда саёҳат қилиш учун бориши мумкин.
Шунингдек, “Касбий таълим жараёнларини бошқариш” — EMIS RT ахборот тизимида техникумнинг номи, манзили, коди, касб ва мутахассислик йўналиши, босқичи, таълим шакли, ўқувчининг мақоми ҳамда баҳолари тўғрисидаги маълумотлар акс эттирилади.
Миграция агентлиги ҳар йили 1 мартга қадар “Work and Travel” халқаро дастурлари доирасида хорижда ишлаш ва саёҳат қилиш учун хорижий иш берувчилар билан ҳамкорлик шартномаларини имзолаш чораларини кўради.
Янги тартиб техникум ўқувчиларининг халқаро меҳнат бозорида тажриба орттириши, хорижий давлатларда ишлаш ва саёҳат қилиш имкониятларини кенгайтиришга қаратилган.
