Ўзбекистон Республикаси Президентининг “Олий таълим, фан ва инновациялар тизимини такомиллаштиришнинг қўшимча чора-тадбирлари тўғрисида” 2026 йил 10 апрелдаги ПФ–58-сон Фармонида давлат олий таълим ташкилотларини рағбатлантириш назарда тутилган.

Мазкур идоравий ҳужжат билан қуйидаги ўзгаришлар амалга оширилмоқда:

Давлат олий таълим ташкилотларини миллий рейтинг натижалари асосида рағбатлантириш тартиби белгиланмоқда.

Бунда, Таълим ва илм-фан вазирлиги рағбатлантириш маблағларини миллий рейтинг натижалари эълон қилингандан бошлаб 15 иш куни ичида тегишли давлат олий таълим ташкилотларига ўтказади.

Олий таълим ташкилоти томонидан махсус платформага ҳисобот йили бўйича маълумотларни киритиш муддати 1 февралдан 1 июнга узайтирилмоқда.

“Битирувчи сифати индекси”ни ҳисоблаш методикаси (рўйхат рақами 3964, 2026 йил 31-октабр) бўйича идоравий ҳужжат давлат рўйхатидан ўтказилганлиги сабабли миллий рейтингни юритишда битирувчилар бандлиги боғлиқ айрим индикаторлар “Битирувчи сифати индекси” натижалари билан алмаштирилмоқда.

Олий таълим ташкилотининг халқаро даражадаги обрўсини аниқлашда хорижий ҳамкор ҳисобланган олий таълим ва илмий ташкилотлардан жами 200 нафаргача ходим жалб этилиши мумкинлиги белгиланмоқда.