Остонадаги турар-жой мажмуаси деразасидан долларлар солинган чамадон улоқтирилди, у ерда Қозоғистон миллий фаровонлик жамғармаси “Самрук-Казина” ва Қозоғистон темир йўллари топ-менежерларини ҳибсга олиш операцияси бўлиб ўтган деб тахмин қилинмоқда. Кўчага сочилган купюралар тасвирлари Astana TV томонидан намойиш этилди, деб хабар берди tass.ru.
Ўз навбатида, 24.kz маҳаллий ижтимоий тармоқ гуруҳларига таяниб, сочилган купюралар ва чамадонлар акс этган видео “Атлант” турар-жой мажмуаси яқинида суратга олингани ҳақида хабар берди.
Аввалроқ Қозоғистон Миллий хавфсизлик қўмитаси “Самрук-Казина” миллий фаровонлик жамғармаси раиси Нурлан Жакупов ва Қозоғистон темир йўллари бошқаруви раиси Элжас Отиншиев коррупция жиноятини содир этганликда гумон қилиниб, 11 ноябрь куни республикада ҳибсга олингани ҳақида хабар берган эди.
