Учрашувда икки томонлама ҳамкорликни янада ривожлантириш, ўзаро сайёҳлар оқимини ошириш ҳамда икки мамлакат туризм соҳаси вакиллари ўртасида тўғридан-тўғри алоқаларни мустаҳкамлаш истиқболлари муҳокама қилинди.
Томонлар туризм соҳасидаги маркетинг тадқиқотлари ва статистик маълумотлар, шунингдек, ўзаро сайёҳлар оқимини оширишга қаратилган асосий тенденциялар бўйича мунтазам ахборот алмашинувини йўлга қўйишга келишиб олдилар.
Музокараларнинг давомида Тошкент ва Манама шаҳарлари ўртасида тўғридан-тўғри авиақатновларни йўлга қўйиш масаласи муҳокама қилинди.
Томонлар туризм соҳаси вакиллари ва оммавий ахборот воситалари ходимлари учун ўзаро инфотурлар ҳамда пресс-турлар ташкил этиш бўйича ишларни давом эттиришга келишиб олдилар. Баҳрайн томонига 25–27 ноябрь кунлари Тошкент шаҳрида бўлиб ўтадиган "Ипак йўлида туризм" Тошкент халқаро туризм ярмаркасида, шунингдек, 2027 йилни Барқарор ва яшовчан туризм халқаро йили деб эълон қилишга бағишланган тадбирларда иштирок этиш таклиф этилди.
