Индонезиянинг Жакарта шаҳрида Халқаро нотариуслар иттифоқининг Осиё ишлари бўйича комиссияси мажлиси ўтказилди. Унда комиссия келгуси 2 йиллик муддат учун Президентликка номзодни кўриб чиқди ва раисликка бир овоздан Ўзбекистон Нотариал палатаси раиси Дилшод Ашуровнинг номзодини маъқуллаб, овоз берди. 
 
Халқаро нотариуслар иттифоқи – 1948 йил 2 октябр куни Аргентинанинг Буэнос-Айрес шаҳрида ташкил топган бўлиб, барча беш қитъадан жами 91 мамлакат нотариусларни бирлаштирувчи халқаро ташкилот ҳисобланади. 
 
 Ўзбекистон Нотариал палатаси Халқаро нотариуслар иттифоқига 2021 йил 3 декабрь куни 91-аъзо сифатида қабул қилинган эди.