Ушбу юксак натижалар ўқувчиларнинг 2026 йил июнь ойида ўтказилган Pearson Edexcel International GCSE халқаро imtihonlarida кўрсатган билим ва салоҳияти асосида қайд этилди.
Қувонарлиси, 10 та натижа жаҳон миқёсида энг юқори балл — “Highest Mark in the World” деб эътироф этилди. Шундан 8 таси физика, 2 таси биология фани ҳиссасига тўғри келади.
Бундан ташқари, 6 та натижа Ўзбекистон бўйича энг юқори балл — “Highest Mark in Uzbekistan” номинациясида қайд этилди. Уларнинг 4 таси математика, 2 таси кимё фанидан қўлга киритилди.
Маълумот учун, “Outstanding Pearson Learner Awards” мукофоти ҳар йили Pearson Edexcel xalqaro imtihonlarida муайян фанлар бўйича энг юқори натижаларни кўрсатган ўқувчиларга берилади. Жорий йилда дунёнинг 85 та мамлакатидан 740 та мактабнинг 2700 нафардан ортиқ ўқувчиси ушбу эътирофга сазовор бўлган. Пеарсон — Буюк Британиянинг етакчи халқаро таълим компанияларидан бири бўлиб, унинг Эдехcэл халқаро таълим дастурлари 80 дан ортиқ мамлакатда ўқитилади. Интернатионал ГCСЕ сертификатлари эса дунёнинг кўплаб нуфузли университетлари томонидан тан олинади.
Бу тарихий натижалар мамлакатимизда таълим соҳасини ривожлантириш, ёш авлодга сифатли таълим бериш ва иқтидорли ёшларни ҳар томонлама қўллаб-қувватлашга қаратилаётган давлат сиёсати самарасидир. Президентимиз Шавкат Mirziyoyevning таълим соҳасига қаратаётган юксак эътибори, ташаббуслари ҳамда ёшлар учун яратиб берилаётган кенг имкониятлари туфайли ўқувчиларимиз бугун халқаро майдонда ана шундай юксак натижаларни қўлга киритмоқда.
15 нафар ўқувчининг ушбу йўналишда 16 та халқаро мукофотга сазовор бўлиши Президент мактаблари тарихида илк бор кузатилаётган муҳим натижадир. Бу эса мамлакатимиз ёшларининг билим ва салоҳияти халқаро миқёсда ҳам юксак эътироф этилаётганининг яққол далилидир.
