Президентдан тадбиркорлик қилиш учун ер сўраган Жасурга ер ажратилди

Мамлакатимизда 26 март 2021, 16:43 2 321

Давлат раҳбарининг Чирчиқ шаҳрига ташрифи чоғида тадбиркорлик билан шуғулланмоқчи бўлган ёш тадбиркор йигитга ер ажратиш бўйича шаҳар ҳокимига берган кўрсатмасига биноан “Ифтихор” МФЙда истиқомат қилувчи Жасурбек Ҳакимовга ер ажратилди.

“Баҳор” МФЙ ҳудудида “Ёшлар меҳнат гузари” ва “Коворкинг маркази”, нон маҳсулотлари, савдо ва маиший хизмат кўрсатиш шаҳобчалари ташкил этиш учун ажратилган ер майдони Жасурбек Ҳакимовга Ўзбекистон Республикаси Президентининг 2018 йил 27 июндаги “Ёшлар келажагимиз” Давлат дастури тўғрисида”ги Фармони ҳамда Чирчиқ шаҳар ҳокимининг 2021 йил 24 мартда имзоланган “Давлат – хусусий шериклик шартлари асосида ер майдони ажратиш тўғрисида”ги қарорига асосан берилди.