Бугун, 8 июль куни соат 07:32 да Муборак тумани "Қурувчилар" МФЙ ҳудудидан ўтган А-380 "Қарши–Бухоро" автомобил йўлининг 128-километрида Қарши шаҳридан Бухоро вилояти томон ҳаракатланиб кетаётган, Бухоро вилояти Қоровулбозор туманида яшовчи, 1972 йилда туғилган Ж.Ж. бошқарувидаги Nexia-2 русумли автомашинага ўрнатилган метан газ баллони ёрилган.
Ҳодиса оқибатида автомашинада бўлган автомобиль ичидаги 1 нафар фуқаро воқеа жойида вафот этган.
Шунингдек, 2 нафар фуқаро турли даражадаги тан жароҳатлари билан Муборак туман тиббиёт бирлашмасига ётқизилган.
Ҳодиса оқибатида ёнғин содир бўлмаган.
