Американинг Pew Research Center таҳлилий маркази тадқиқотига кўра, Италия автомобилга эга бўлган уй хўжаликлари улуши бўйича етакчилик қилмоқда: у ерда бу кўрсаткич 89 фоизга етади. Ундан бироз орқада АҚШ туради - 88%.

Европа Иттифоқининг сўровномада иштирок этган еттита давлат орасида автомобилга эгалик қилишнинг ўртача кўрсаткичи 79 фоизни ташкил этади. Осиёнинг ривожланган иқтисодиётлари ҳам юқори натижаларни кўрсатмоқда. Жумладан, Жанубий Кореяда аҳолининг 83 фоизи, Японияда эса 81 фоизи автомобилга эга.

Автомобиль эгаларининг улуши энг юқори бўлган давлатлар:

1. Италия — 89% билан рейтингни бошқаради. Автомобиллаштиришнинг юқори даражаси ушбу мамлакатнинг узоқ йиллик автомобиль анъаналарини ва шахсий транспортнинг кундалик ҳаётдаги муҳим ролини акс эттиради.

2. АҚШ — 88%. Узоқ масофалар ва автомобиль ҳаракатига мўлжалланган инфратузилма шахсий транспортнинг кенг тарқалишига ёрдам беради.

3. Германия — 85%. Автомобиль саноати ривожланган ва шахсий автомобилда саёҳат қилиш жуда машҳур бўлган кенг йўллар тармоғига эга мамлакат.

4. Франция — 83%. Юқори кўрсаткич кенг йўл тармоғи ва кундалик ҳаётда автомобилнинг муҳим ўрни билан изоҳланади.

5. Жанубий Корея — 83%. Шахсий автомобилларнинг кенг тарқалиши мамлакатнинг жадал иқтисодий ривожланиши ва аҳолининг мобилликка бўлган юқори эҳтиёжини акс эттиради.

6. Малайзия — 82%. Жамоат транспорти мавжудлигига қарамай, шахсий автомобиллар оммабоп транспорт воситаси бўлиб қолмоқда.

7. Япония — 81%. Автомобиллаштиришнинг юқори даражаси ривожланган автомобиль саноати томонидан қўллаб-қувватланмоқда.

Кучли ўнталикни Ливан (Япония билан бир хил кўрсаткич билан), Испания (79%) ва Греция (76%) якунлади, деб хабар берди naked-science.ru.