Бундан ташқари, тиббий маълумотларни топиш, тушуниш ва қўллаш осонроқ бўлган одамлар, одатда, камроқ стрессни бошдан кечиришлари аниқланди. Бир нечта сурункали касалликларга чалинган одамларни қўллаб-қувватлашда нафақат уларнинг тиббий маълумотлар билан ишлаш қобилиятини, балки стрессга индивидуал таъсирчанлигини ҳам ҳисобга олиш лозим, деб ёзади remedium.ru.
Тадқиқот давомида учта гуруҳ таққосланди. Биринчи гуруҳга сурункали касаллиги бўлмаган одамлар, иккинчисига битта касаллиги бўлган одамлар, учинчисига эса икки ва ундан ортиқ касаллиги бўлганлар киритилган. Учала гуруҳда ҳам юқори даражадаги стресс ҳаёт сифатининг пасайиши билан боғлиқ эди. Ҳатто ёш, жинс, таълим даражаси, бандлик ва молиявий имкониятлар ҳисобга олинганда ҳам. Сурункали касалликлар кўпайган сари ушбу боғлиқлик кучайди.
Бу ҳолат икки ва ундан ортиқ касалликларга чалинган беморлар орасида юқори даражада намоён бўлди. Жумладан уларда қабул қилинган стресс ва ҳаёт сифатининг пасайиши ўртасидаги боғлиқлик сурункали касалликлари бўлмаган одамларга қараганда тахминан икки баравар кучлироқ эди. Бироқ, шуни таъкидлаш керакки, тадқиқот статистик ассоциацияни кўрсатади, аммо сабаб-оқибат алоқасини аниқлашга имкон бермайди.
“Бир нечта касалликларнинг мавжудлиги шифокорларга ташриф буюриш, дори-дармонларни қабул қилиш ва турли мутахассислардан келадиган маълумотларни мувофиқлаштириш зарурлигини англатиши мумкин. Олинган натижалар шуни кўрсатадики, бир нечта сурункали касалликларга чалинган одамларнинг ҳаёт сифатини баҳолашда стресс даражасига кўпроқ эътибор қаратиш керак”, – дейди тадқиқот муаллифлари.
