«Ўзгидромет» маълумотларига кўра, бугун кундузи ёғингарчилик кутилмайди. Фақат Қорақалпоғистон Республикасининг айрим жойларида бироз ёмғир ёғиши мумкин. Ҳаво ҳарорати 13–18 даража, жанубда эса 20–22 даража илиқ бўлади.

17 ноябрь куни кечаси ҳаво ҳарорати 3–8 даража, кундузи 13–18 даража илиқ бўлиши кутилмоқда. 18–20 ноябрь кунлари эса ҳарорат аста-секин кўтарилиб, кечалари 7–12 даража, кундузи 17–22 даража илиқ бўлади.

Ҳафта бошида ҳаво ҳарорати меъёрдан 3–5 даража, ҳафта охирида эса 8–10 даража юқори бўлиши прогноз қилинмоқда. 16–18 ноябрь кунлари айрим жойларда туман тушиши мумкин.

Шамол шарқдан 7–12 м/с тезликда эсади.

Республиканинг тоғли ҳудудларида ёғингарчилик кутилмайди. Фақат 18–20 ноябрь кунлари айрим жойларда ёмғир ва қор ёғиши мумкин.

Пойтахтда ҳафта давомида ҳаво ўзгарувчан бўлади, ёғингарчилик кутилмайди. Шамол шарқдан 3–8 м/с тезликда эсади.

16–18 ноябрь кунлари кундузи ҳаво ҳарорати 15–17 даража илиқ бўлади. 19–20 ноябрь кунлари эса 20–22 даражагача кўтарилади.

Кечалари 17 ноябрь куни 4–6 даража, 18–20 ноябрь кунлари эса 10–12 даража илиқ бўлиши кутилмоқда.