“Қорақалпоғистон Республикасида олиб борилаётган ислоҳотларни янада жадаллаштиришга қаратилган чора-тадбирлар тўғрисида”ги Президент қарорига мувофиқ, компания «Халқ банки» АТБ ҳамда «Ўзагростар холдинг» компанияси таъсисчилигида фаолият юритади.
Янги компания чўл-яйлов ўсимликлари уруғларини гранулалаш, капсулалаш ва учувчисиз учиш аппаратлари (дронлар) ёрдамида экиш ишларини амалга оширади.
Бунинг учун:
- 10 та дрон, уларни ташишга мўлжалланган махсус автотранспорт воситалари ва 2 та гранулятор харид қилинади;
- мутахассислар дронларни бошқариш ва улардан самарали фойдаланиш бўйича махсус курсларда ўқитилади;
- 2030 йил якунига қадар 100 минг гектар яйлов майдонида қандим, черкез, чоғон, балиқкўз, донашўр, шувоқ, изен ва бошқа чўл-яйлов шароитига мос ўсимликлар уруғлари дронлар ёрдамида экилади.
Қарорда Қорақалпоғистон Республикасида 2022 йил 1 январдан 2023 йил 15 апрелгача очиқ электрон танловлар орқали ижарага берилган қишлоқ хўжалигига мўлжалланган ер участкалари бўйича ҳам енгиллик белгиланган.
Унга кўра, қўшимча тўловлар миқдори ер участкасининг норматив қийматидан 4 баравар ва ундан юқори бўлган ижарачиларга ушбу тўловни норматив қийматнинг 1 баравари миқдорида 3 йил давомида фоизсиз бўлиб тўлашга рухсат берилади.
“Қорақалпоғистон Республикасида олиб борилаётган ислоҳотларни янада жадаллаштиришга қаратилган чора-тадбирлар тўғрисида”ги Президент қарори
