Бу ҳақда Транспорт вазирлиги маълум қилди.
Қайд этилишича, 22 май санасидан бошлаб амалдаги кунлик 85 та рейсдан ташқари қўшимча 23 та қатнов йўлга қўйилди.
Қўшимча автобуслар Зармитан, Нурота, Зарафшон, Учқудуқ, Хатирчи, Қарши, Шаҳрисабз, Узун, Хива ҳамда Нукус йўналишларида ҳаракатланади.
Қурбон ҳайити муносабати билан эълон қилинган қўшимча дам олиш кунларида ички туризм ва аҳолининг ҳудудлараро ҳаракатланиш эҳтиёжини тўлиқ қондириш мақсадида йўловчилар оқимидан келиб чиқиб, қўшимча қатновлар узлуксиз ташкил этиб борилиши маълум қилинди.
