Унда маълум қилинишича, рўйхатга олишнинг дастлабки натижаларига кўра, мамлакат аҳолиси сони 39 миллион 47 минг 321 нафарни ташкил этган.
Қайд этилишича, жорий статистик ҳисоб-китобларга мувофиқ аҳоли сони 38 миллион 236 минг 704 нафар деб баҳоланган эди. Рўйхатга олиш натижалари ушбу кўрсаткичдан 810,6 минг нафарга кўп экани аниқланди.
Шунингдек, матбуот анжуманида Ўзбекистон аҳолиси сони 1989 йилда ўтказилган сўнгги аҳоли рўйхатга олиш натижаларига нисбатан қарийб икки баробарга ошгани таъкидланди.
Аҳоли ва қишлоқ хўжалигини рўйхатга олиш тадбирининг дастлабки натижаларига кўра, Ўзбекистон ҳудудида 1 йилдан ортиқ муддат истиқомат қилаётган 56 860 нафар хорижий фуқаро рўйхатга олинган.
Шундан 19 300 нафари Тошкент шаҳрида истиқомат қилмоқда.
Бу ҳақда айни вақтда бўлиб ўтаётган аҳоли ва қишлоқ хўжалигини рўйхатга олиш тадбирининг дастлабки натижаларига бағишланган матбуот анжуманида маълум қилинди.
Рўйхатга олинган хорижий фуқаролар давлатлар кесимида:
- Ҳиндистон — 13 312 нафар;
- Россия Федерацияси — 10 826 нафар;
- Қозоғистон — 9 425 нафар;
- Тожикистон — 5 722 нафар;
- Туркманистон — 5 347 нафар;
- Қирғизистон — 4 397 нафар;
- Покистон — 1 433 нафар;
- Хитой — 1 031 нафар;
- Туркия — 811 нафар;
- Корея Республикаси — 691 нафар;
- Бошқа давлатлар — 3 865 нафар.
