Ижтимоий тармоқларда Россия Федерациясининг Чувашия Республикаси ҳудудида содир бўлган йўл-транспорт ҳодисасида Ўзбекистон Республикаси фуқароси ҳалок бўлгани ҳақида хабарлар тарқалмоқда.
Мазкур хабарлар ҳақиқатга тўғри келмайди.
Ўзбекистон Республикасининг Қозон шаҳридаги Бош консулхонаси маълумотига кўра, мазкур йўл-транспорт ҳодисасида жабрланган Ўзбекистон Республикаси фуқароси тирик бўлиб, айни пайтда туман шифохонасида даволанмоқда.
Шифокорлар маълумотига кўра, унинг аҳволи барқарор, олган тан жароҳатлари ўртача оғирлик даражасида баҳоланмоқда.
Вазият Ўзбекистон Республикасининг Қозон шаҳридаги Бош консулхонаси томонидан назоратга олинган.
