Давлат меҳнат инспекцияси мазкур масала юзасидан амалдаги қонунчиликка мувофиқ, педагог ходимларни касбий фаолияти билан боғлиқ бўлмаган ишларга мажбурий тарзда жалб этиш тақиқланганини эслатиб ўтди.
Агар бундай ташаббус амалиётга жорий этилса ва профессор-ўқитувчилар ўз вазифасига дахлдор бўлмаган ишларга жалб қилинса, бу мажбурий меҳнат ҳолати сифатида баҳоланиши мумкинлиги таъкидланди.
ИНспекция шу муносабат билан Адиз Бобоевга педагогларни касбий фаолиятига алоқадор бўлмаган ишларга жалб этиш қонунчиликка зид экани ҳамда бундай ҳолатлар учун қонунчиликда жавобгарлик белгилангани ҳақида расмий огоҳлантириш юборганини маълум қилди.
Мутасаддилар ҳар қандай ижтимоий ёки иқтисодий ташаббусни амалга оширишда амалдаги қонунчилик талабларига қатъий риоя қилиш, шунингдек, педагогларнинг ҳуқуқ ва қонуний манфаатларини таъминлаш зарурлигини таъкидлади.
Уларга кўра, олий таълим муассасалари профессор-ўқитувчилари асосий эътиборини илм-фан, таълим сифати ва талабалар тайёрлашга қаратиши лозим.
