Вилоят божхона бошқармасининг Контрабандага қарши курашиш бўлими ходимлари Давлат хавфсизлик хизмати ҳамда Ички ишлар органлари вакиллари билан ҳамкорликда гиёҳвандлик воситаларининг ноқонуний муомаласига қарши тезкор тадбир ўтказишди.
Самарқанд шаҳридаги ҳалқа йўли бўйида ўтказилган тадбир давомида олдиндан кузатувга олинган фуқаро бетон тўсиқ остига яшириб қўйилган целлофан пакетни олиб, ортига қайтаётган вақтида тўхтатилди.
Шундан сўнг, пакет холислар иштирокида кўздан кечирилганида ичида икки ўрамдаги “опий” гиёҳвандлик моддаси борлиги аниқланди. Унинг умумий оғирлиги эса 2 килограммни ташкил этди.
Мазкур ҳолат юзасидан божхона органлари томонидан жиноят иши қўзғатилиб, ҳозирда тергов ҳаракатлари олиб борилмоқда.
