Мазкур тадбир икки халқ ўртасидаги адабий ҳамкорлик ва дўстликни мустаҳкамловчи маънавий кечага айланди.

Тақдимотда Ўзбекистондан ташриф буюрган ижодкорлар, шунингдек, ТУРКСОЙ ташкилоти бош котиби, атоқли ёзувчи Султан Раев иштирок этди. Уларнинг иштирокида ўтган адабий мулоқот ва шеърият кечаси тадбирга алоҳида файз бағишлади.

Қайд этилишича, ушбу тақдимот ўзбек адабиётини хорижда тарғиб қилиш, туркий халқлар ўртасидаги маданий ва ижодий алоқаларни янада ривожлантиришга хизмат қилди.

Тадбир ташкилотчилари ва иштирокчиларига миннатдорлик билдирилди. Туркий халқлар адабий ҳамкорлиги келгусида ҳам изчил давом этишига ишонч билдирилди.