Мулоқотда Ўзбекистон ва Юта штати ўртасидаги муносабатлар кейинги йилларда изчил ривожланиб, парламентлараро алоқалар, таълим, иқтисодиёт, соғлиқни сақлаш, гуманитар ҳамкорлик ва инсон капитали салоҳиятини ошириш каби йўналишларда янги босқичга кўтарилаётгани таъкидланди.
Томонлар Юта штати ва Ўзбекистон ўртасидаги шериклик мустаҳкам амалий мазмун касб этаётганини қайд этдилар. Хусусан, Юта штати вакиллари Ўзбекистонга доимий ташриф буюраётгани, икки томонлама алоқаларни кенгайтиришга бўлган қизиқиши ортиб бораётгани, шунингдек, таълим муассасалари, ишбилармон доиралар ва жамоат ташкилотлари ўртасидаги ҳамкорлик алоқалари мустаҳкамланаётгани таъкидланди.
Учрашув якунида томонлар ўзаро ҳамкорликни янада кенгайтириш, ўрнатилган алоқаларни институционал жиҳатдан мустаҳкамлаш ва қўшма лойиҳаларни амалга оширишда мулоқотни давом эттиришга тайёр эканликларини билдирдилар. Шунингдек, Олий Мажлис Сенати Раиси Танзила Нарбаева Юта штатига ташриф буюришга таклиф этилди, деб хабар беради Олий Мажлис Сенати матбуот хизмати.
