Мутахассиснинг айтишича, кофеин йўқ жойдан энергия яратмайди. Бу унинг таъсири организмда уйқучанлик ҳиссини шакллантиришда иштирок этувчи модданинг тўпланиш механизми билан боғлиқ. Кофеин миянинг маълум рецепторларида аденозин (танамиз ичидаги махсус модда бўлиб, у бир вақтнинг ўзида чарчоқ сигнали ва энергия учун қурилиш материали сифатида ишлайди) таъсирининг амалга ошишига вақтинча тўсқинлик қилади, шу сабабли одам ўзини тетик ҳис қилиши мумкин. Бироқ, бу организмнинг уйқуга бўлган эҳтиёжи йўқолганини англатмайди.
Шунинг учун ҳам қаҳва чарчоқни яшира олади. Агар одам бир кетма-кет неча кеча кам ухласа, бир пиёла қаҳва унга йўқотилган уйқуни қайтариб бермайди. Кофе фақат чарчоқ ҳиссини вақтинча сезиларсиз қилиб қўяди. Шу билан бирга, бу механизм ҳаммада бир хил намоён бўлавермайди: кофеиннинг қайта ишлаш тезлиги индивидуал хусусиятларга, ёшга, ирсият ва бошқа омиллларга боғлиқ бўлади, деб ёзади lenta.ru.
