Унинг сўзларига кўра, сунъий интеллект (СИ) томонидан яратилган ҳар қандай гипотеза ва хулосаларга ҳозирча тўлиқ таяниб бўлмайди. Зеро, хулосалар албатта малакали мутахассис томонидан тасдиқланиши керак.
Эксперт ўз сўзларини тасдиқлаш учун биопсия ва жарроҳлик материалларининг 200 та гистологик сканерлари таҳлил қилинган тадқиқот натижаларига урғу берди. Олимлар иккита нейрон тармоқ модели хулосаларини патологоанатом шифокор хулосалари билан солиштиришди. Препаратлар учта турли сканер ёрдамида рақамлаштирилди ва намуналарни баҳолаш учта режимда амалга оширилди. Яъни – фақат визуал маълумотларга таянган ҳолда, шунингдек тўқима келиб чиққан аъзони кўрсатиш ва йўлланмадан клиник маълумотларни қўшиш орқали бажарилди.
Тажриба натижалари алгоритмларнинг аниқлиги берилган контекст ҳажмига бевосита боғлиқлигини кўрсатди. Бемор ҳақида ҳеч қандай маълумотсиз, фақат тасвирларни таҳлил қилганда, сунъий интеллект жавоблари фақат саккиз фоиз ҳолларда шифокорнинг фикрига тўлиқ ёки қисман мос келди. Муайян аъзони кўрсатиш бу кўрсаткични 30 фоизга, клиник маълумотларни таҳлилга киритиш эса мослик даражасини 43 фоизга оширди, деб хабар берди lenta.ru.
Шифокор Лейманнинг таъкидлашича, мато намунасининг келиб чиқиши ва тадқиқот мақсадлари ҳақидаги маълумотлар модель жавоблари сифатини сезиларли даражада яхшилайди. Шунга қарамай, ҳатто кенгайтирилган маълумотлар мавжуд бўлганда ҳам, нейротармоқ баъзи ҳолларда хатоларга йўл қўйди. Бундан ташқари, якуний натижага техник жиҳат ҳам таъсир кўрсатди: турли қурилмаларда сканерланган бир хил намуна турли хил хулосаларни келтириб чиқариши мумкин эди.
Мутахассиснинг таъкидлашича, сунъий интеллект шифокор эътибордан четда қолдирган қўшимча гипотезаларни яратишга қодир ёрдамчи восита сифатида катта салоҳиятга эга. Бироқ, якуний ташхис бўйтча қарор алгоритм маълумотларини ҳақиқий клиник манзара ва бевосита тадқиқот натижалари билан таққослаши шарт бўлган одамга тегишли бўлиши керак.
Аввалроқ немис олимлари тўқималарнинг оддий микроскопик тасвирлари орқали бир неча дақиқа ичида мия ўсмаси турини аниқлаш имконини берувчи сунъий интеллект тизимини ишлаб чиққан эди. Янги технология касалликнинг ташхисини сезиларли даражада тезлаштириши ва шифокорларга керакли даволашни тезроқ танлашга ёрдам бериши мумкин.
