Шунингдек, қисқа муддатли рейтинг “B” даражасида тасдиқланди, трансферт ва конвертация хавфи баҳоси эса “BB+”дан “BBB-”га оширилди. Қарор молиявий ва ташқи кўрсаткичларнинг мустаҳкамланиши билан изоҳланган.

Эслатиб ўтамиз, агентлик рейтингни 2025 йил 21 ноябрда “BB-”дан “BB”га кўтарган эди. Бу 2018 йилда рейтинг берилганидан буён биринчи ошириш бўлган.

Президент Администрацияси раҳбари Саида Мирзиёева ўзининг Telegram-каналида бу натижани мамлакат тарихидаги энг юқори кўрсаткич деб баҳолади:

“S&P Global Ratings” халқаро агентлиги Ўзбекистоннинг суверен кредит рейтингини “барқарор” прогноз билан “BB+” даражасига кўтарди. Бу мамлакатимиз тарихида ҳозиргача эришилган энг юқори кўрсаткич, энди “инвестициявий” (BBB-) поғонага бир қадам қолди.

Бу ютуқ тизимли иқтисодий ислоҳотлар, мувозанатли молия сиёсати ҳамда Президентимизнинг узоқни кўзлаган стратегик ёндашуви самарасидир. Ижобий натижаларимизни тақдим этиш борасида ишчи гуруҳимизнинг тезкор ва очиқ таҳлилий мулоқотлари “S&P” томонидан алоҳида эътироф этилди.

Юртимизга бўлган ишончни мустаҳкамлаш, инвестициявий жозибадорликни ошириш йўлидаги қатъий ҳаракатимизни давом эттирамиз, деб ёзади у