Сурхондарё вилояти Ангор туманида қишлоқ хўжалиги маҳсулотлари етиштириш билан шуғулланувчи фермер, хўжалик ихтиёридаги 7,7 гектар ер майдонини 1972 йилда туғилган фуқаро номига расмийлаштириб беришни ваъда қилган. Бу «хизмати» эвазига у 800 миллион сўм талаб қилган.
Давлат хавфсизлик хизмати (ДХХ) ва Иқтисодий жиноятларга қарши курашиш департаменти ходимлари ҳамкорлигида тезкор тадбир ўтказилди. Маълум бўлишича, фермер муқаддам 520 миллион сўмни қўлга киритган. У қолган 280 миллион сўмни олаётган вақтида ашёвий далиллар билан қўлга олинди.
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
