«Дунё» АА хабар беришича, ватандошларимизнинг Ўзбекистонга қайтарилиши мамлакатимизнинг Швеция ва Польша ваколатли идоралари билан ҳамкорлиги доирасида амалга оширилган.
Тошкентда фуқароларни Ташқи ишлар вазирлиги ва бошқа мутасадди идоралар вакиллари кутиб олди. Ватандошлар мамлакатга қайтишга кўмаклашгани ва кўрсатилган ёрдам учун Ўзбекистон раҳбарияти ҳамда ваколатли органларга миннатдорлик билдирди.
Қайд этилишича, бундай чора-тадбирлар Ўзбекистон фуқароларининг хориждаги ҳуқуқ ва манфаатларини ҳимоя қилиш, шунингдек, халқаро мажбуриятлар ва мезбон давлатлар қонунчилигига риоя этилишини таъминлашга қаратилган.
Шу билан бирга, хорижга чиқувчи фуқароларнинг ҳуқуқий саводхонлигини ошириш ҳамда миграция қонунчилиги бузилишининг олдини олиш бўйича ишлар давом эттирилмоқда.
