16 июль куни соат 22:46 да Тошкент вилояти ФВББга, Зангиота туманидан ўтган М-39 автомобил йўлида жойлашган автомобилларга пропан газ тўлдириш шохобчаси ҳудудида ўрнатилган пропан сақлаш сиғими ва пропан газ ташишга мўлжалланган махсус автомобилда чақнаш рўй берганлиги тўғрисида хабар келиб тушган.
Хабарга асосан, қутқарув бўлинмалари айтилган манзилга тезкорлик билан етиб боришган. Ҳозирда қутқарувчилар ёнғинни бартараф этишмоқда. Вазият тўлиқ назоратга олинган.
Дастлабки, маълумотларга кўра уч нафар фуқаро тан жароҳати олиб, тез тиббий ёрдам ходимлари томонидан биринчи тиббий ёрдам кўрсатиш учун шифохонага олиб кетилган.
Қўшимча маълумот тақдим этилади.
