Давлат хавфсизлик хизмати ва “Тошкент-Аэро” ихтисослаштирилган божхона комплекси ходимлари ҳамкорлигида Тошкент халқаро аэропортида ўтказилган тезкор тадбирда, хориждан учиб келиб божхона назоратидаги яшил йўлак орқали ҳаракатланган Фарғона вилоятида яшовчи, 1988 й.т. шахс ва 2006 й.т. Россия Федерацияси фуқаросига тегишли қўл юклари ҳамда багажлари божхона назоратидан ўтказилди.

Натижада, спорт озуқаси ниқоби остида қадоқланган иккита елим идиш ичида мос равишда 500 ва 486 граммдан иборат жами 986 гр “Алъфа-ПВП” синтетик наркотик моддаси борлиги аниқланди.

Шунингдек, тезкор тадбир давом эттирилиб, Сергели тумани ҳудудидаги хуфия жойга қолдирилган ушбу гиёҳвандлик воситасини қабул қилиб олган вақтида унинг буюртмачиси бўлган пойтахтлик 1996 й.т. шахс ашёвий далиллар билан ушланди.

Ҳозирда мазкур шахсларга нисбатан жиноят иши қўзғатилиб, тергов ҳаракатлари олиб борилмоқда.