Маълумот учун, 14 сентябрь куни Тошкент метрополитенида 1 165 550 нафар йўловчи ташилган эди.
Йўловчилар оқимининг ортиб бораётгани муносабати билан метрополитенда йўловчиларга қулай ва сифатли хизмат кўрсатиш, шунингдек, поездлар ҳаракатини йўловчилар оқимига мос равишда ташкил этиш бўйича зарур чоралар кўрилмоқда.
Мутахассислар томонидан олиб борилаётган мониторинг ва таҳлиллар йўловчилар оқими ўсиш тенденцияси давом этаётганини кўрсатмоқда. Мавжуд кўрсаткичлар асосида октябрь ойида метрополитенда бир кунда ташиладиган йўловчилар сони 1,2 миллион нафарга етиши кутилмоқда.
Аввал хабар берилганидек, метрополитенда 1 200 000-чи йўловчини алоҳида аниқлаш ҳамда унга махсус имтиёз ёки совға тақдим этиш ташаббуси режалаштирилган.
Шунингдек, 2026 йил давомида харид қилиниши ва Тошкент метрополитенига етказиб берилиши режалаштирилган 14 та замонавий ҳаракат таркибининг барчаси вагонлар паркига олиб келинди. Янги поездлардан йўловчиларга қулай, тезкор ва сифатли хизмат кўрсатишда фойдаланилмоқда.
