Бу навбатдаги режали парвоз текшируви бўлиб, хавотирга ўрин йўқ, дея хабар беради “Ўзаэронавигация”.
Қайд этилишича, ICAO (Халқаро фуқаро авиацияси ташкилоти) ҳамда Ўзбекистон Республикаси фуқаро авиациясининг амалдаги меъёрий ҳужжатларига мувофиқ, радиотехник воситаларнинг белгиланган талабларга мувофиқлигини текшириш ҳамда ҳаво кемаларининг хавфсиз ва мунтазам парвозини таъминлаш мақсадида «Avion» авиакомпаниясининг 545-сонли лаборатория ҳаво кемаси ёрдамида навбатдаги парвоз текширувлари амалга оширилади.
Текширув жараёнида ҳаво кемаси Тошкент шаҳри узра тахминан 1 минг метр баландликда турли йўналишлар ва маневрлар бўйича 6 соатгача парвоз қилиши мумкин.
Шу сабабли лаборатория ҳаво кемаси бир ҳудуд устидан бир неча марта учиб ўтиши ва одатдагидан фарқли маневрларни амалга ошириши мумкин.
Қайд этилишича, ушбу парвозлар режали текширув жараёнининг бир қисми ҳисобланади ва улар хавотирланиш учун асос бўлмайди.
