Тошкент шаҳар ИИББнинг маълум қилишича, марш Тошкент ҳарбий округи қўшинлари ва ҳудудий куч тизимлари ҳамкорлигида ташкил этилади. Шу сабабли 18 ноябрь куни соат 10:00 дан бошлаб қуйидаги йўналишлардаги кўча ва чорраҳалар ҳаракати учун ёпилади:
Олмазор туманидаги Ғалаба боғи ҳудуди;
Сағбон — КХАЙ чорраҳаси;
Сағбон — Нурафшон чорраҳаси;
Сағбон — Форобий чорраҳаси;
Зарқайнар айланма ҳаракати;
Алишер Навоий — Фурқат кўчалари кесишмасидаги кўприк усти;
Ислом Каримов — Бунёдкор чорраҳасидан Халқлар дўстлиги саройигача бўлган йўл қисми.
Марш давомида ҳаракат хавфсизлиги ва жамоат тартибини таъминлаш учун ҳарбий ҳуқуқ-тартибот органлари ходимлари хизматга жалб этилади.
Фуқаролардан марш вақтида масъул ходимларнинг қонуний талабларига амал қилиш, ҳайдовчилардан эса мазкур йўналишлардаги чекловларни инобатга олиб, муқобил йўллардан фойдаланиш сўралди.