Бу ҳақда Бош прокуратура маълум қилди.
Дастлабки маълумотларга кўра, ҳодиса қурилиш-таъмирлаш ишлари олиб борилаётган хусусий уйда содир бўлган.
Аниқланишича, уйнинг ертўла қисмига ўрнатилган иситиш қозони хавфсизлик талабларига жавоб бермаган. Шунингдек, газ тармоғига белгиланган тартибда, тегишли техник шартларсиз уланган.
Мазкур ҳолат юзасидан Мирзо Улуғбек тумани прокуратураси томонидан Жиноят кодексининг 116, 257 ва 205-моддалари билан жиноят иши қўзғатилган.
Айни пайтда тергов ҳаракатлари Тошкент шаҳар прокуратураси томонидан олиб борилмоқда.
Мутахассислар газ ускуналари ва иситиш мосламаларидан фойдаланишда хавфсизлик талабларига қатъий риоя қилиш зарурлигини эслатмоқда.
Газ ускуналари ва иситиш мосламалари малакали мутахассислар томонидан ўрнатилиши, уларнинг техник ҳолати эса мунтазам текшириб турилиши лозим.
Газдан фойдаланишда хавфсизлик қоидаларига амал қилиш ис газидан заҳарланиш каби фожиали ҳодисаларнинг олдини олишда муҳим аҳамиятга эга.
