Бу ҳақда пойтахт ҳокимлиги маълум қилди.
Ҳокимининг тегишли қарорига мувофиқ, иситиш тизими босқичма-босқич ишга туширилади.
Жумладан, 9 ноябрдан мактаблар, боғчалар, шифохоналар ва бошқа ижтимоий соҳа муассасаларига, шунингдек, кўп квартирали турар жой биноларига иссиқлик етказиб бериш бошланади.
Иситиш хизмати учун тўловлар иссиқлик амалда уланган кундан бошлаб ҳисобланади. Уланиш санаси бошқарув компанияси томонидан имзоланадиган икки томонлама далолатномада қайд этилади.
Агар хонадонда иссиқлик бир маромда тақсимланмаса, аҳолидан уйга хизмат кўрсатувчи бошқарув компаниясига мурожаат қилиш сўралди. Чунки бино ичида иссиқликнинг тўғри тақсимланиши ва ички тизимларнинг соз ҳолатда ишлаши учун бошқарув ташкилоти масъул ҳисобланади.
Иссиқлик тармоқларида авария ҳолатлари юзага келганда эса Veolia Energy Tashkent компаниясининг 1347 ёки (71) 200-00-56 рақамли колл-марказига мурожаат қилиш мумкин.
