Бу ҳақда Таълим ва илм-фан вазирлиги хабар берди.
Форум «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университетида ташкил этилади.
Тадбир Ўзбекистон Республикаси Таълим ва илм-фан вазирлиги ҳамда Иордания Таълим ва инсон ресурсларини ривожлантириш вазирлиги ташаббуси билан ўтказилмоқда.
Маълум қилинишича, форумда Иорданиянинг 16 та университети ректорлари ҳамда Ўзбекистоннинг 19 та етакчи олий таълим муассасаси вакиллари қатнашиши режалаштирилган.
Анжуман доирасида сунъий интеллект ва рақамли технологиялар, муҳандислик таълими ва саноат интеграцияси, қайта тикланувчи энергия манбалари ва яшил технологиялар, сув ресурсларини самарали бошқариш, тиббий таълим ва фармацевтика каби йўналишларда ҳамкорлик истиқболлари муҳокама қилинади.
Шунингдек, қўшма таълим дастурларини ташкил этиш, илмий тадқиқотларни ривожлантириш ва академик алмашинувни кенгайтириш масалаларига эътибор қаратилади.
Форум якунида икки мамлакат университетлари ўртасида тўғридан-тўғри ҳамкорлик алоқаларини мустаҳкамлаш, қўшма таълим ва илмий лойиҳаларни амалга ошириш бўйича истиқболли ташаббуслар кўриб чиқилиши кутилмоқда.