Ички ишлар вазирининг тегишли буйруғига мувофиқ, Транспорт ва туризм объектларида хавфсизликни таъминлаш департаменти ходими майор Шухратжон Норқулов, шунингдек Тошкент шаҳар ИИББ ходимлари подполковник Фаррух Мирзаев ва майор Бекзод Қирғизбаев «Аъло хизматлари учун» кўкрак нишони билан тақдирланди.
Шунингдек, Тошкент шаҳар ИИББ ходимлари катта лейтенант Шерали Сайдахматов ҳамда катта сержант Анвар Абдуллаев Ички ишлар вазирлигининг эсдалик қўл соати билан мукофотланди.
Мукофотлар масъул раҳбарлар томонидан шахсий таркиб иштирокида тантанали равишда топширилди.
Таъкидланишича, мазкур рағбатлантириш ходимларнинг хизмат бурчига садоқати, касбий маҳорати ва жамоат хавфсизлигини таъминлаш йўлидаги фидокорона хизматларининг эътирофи ҳисобланади.
